அடச்சே இது தெரியாம எல்லா சாட்டையும் டெலிட் பண்ணிட்டேனே!

0
329
WhatsApp Tips  in tamil )

WhatsApp Tips  in tamil: அடச்சே இது தெரியாம எல்லா சாட்டையும் டெலிட் பண்ணிட்டேனே!

எந்த வாட்ஸ்அப் சாட்களும் டெலிட் ஆகாமல் வாட்ஸ்அப் நம்பரை மாற்றுவது எப்படி என்கிற தந்திரம் உங்களுக்கு தெரியுமா.. இதோ தெரிந்து கொள்ளுங்கள்.

வாட்ஸ்அப் தற்போது மில்லியன் கணக்கான ஆக்டிவ் பயனர்களைக் கொண்ட உலகின் மிகவும் பிரபலமான மெசேஜிங் பயன்பாடுகளில் ஒன்றாக திகழ்கிறது. ஒருவர் தனது மொபைல் எண்ணை மட்டுமே கொண்டு ஒரு வாட்ஸ்அப் அக்கவுண்ட்-ஐ திறக்க முடியும் என்பது உங்களில் பலருக்கும் தெரியும்.

ஆனால் அதே பயனர் தனது மொபைல் எண்ணை மாற்ற விரும்பினால் என்ன செய்வது? குறிப்பாக பழைய நம்பரில் இருந்த சாட்கள் எதுவும் அழியாமல் ஒரு புதிய நம்பருக்கு மாறுவது எப்படி? என்பது பற்றி தெரியுமா? வாருங்கள் தெரிந்து கொள்ளலாம்!

வாட்ஸ்அப் ஒவ்வொரு நாளும் புதிய அம்சங்களை அறிமுகப்படுத்துகிறது. சில மாதங்களுக்கு முன்பு, பயனர்கள் சாட், புகைப்படங்கள் அல்லது வேறு எந்த டேட்டாவையும் இழக்காமல் தங்கள் மொபைல் எண்களை மாற்றுவதற்கான வழியை வாட்ஸ்அப் நிறுவனம் அறிமுகப்படுத்தியது.

இந்த அம்சம் iOS மற்றும் Android ஆகிய இரண்டு பயனர்களுக்கும் அணுக கிடைக்கிறது. இந்த அம்சத்தை பயன்படுத்துவது எப்படி? என்பதை விளக்கும் எளிய வழிமுறைகள் இதோ:

சாட் டெலிட் ஆகாமல் உங்கள் வாட்ஸ்அப் எண்ணை மாற்றுவது எப்படி?

வழிமுறை 1: உங்கள் ஸ்மார்ட்போனில் உள்ள வாட்ஸ்அப் பயன்பாட்டைத் திறக்கவும்

வழிமுறை 2: உங்கள் ப்ரொபைலுக்குள் செல்லவும்

வழிமுறை 3: செட்டிங்ஸ் மெனுவை திறக்கவும்.

வழிமுறை 4: பின்னர் அக்கவுண்ட் விருப்பத்திற்குள் செல்ல கீழ்நோக்கி ஸ்க்ரோல் செய்யவும்

வழிமுறை 5: இங்கே உங்களுக்கு பல விருப்பங்கள் கிடைக்கும், அதில் சேன்ஜ் நம்பர் என்கிற விருப்பத்தை கிளிக் செய்யவும்.

வழிமுறை 6: பின்னர் நெக்ஸ்ட் என்பதைக் கிளிக் செய்து உங்கள் பழைய மற்றும் புதிய மொபைல் எண்ணைச் சேர்க்கவும்.

வழிமுறை 7: வாட்ஸ்அப் உங்கள் புதிய எண்ணை சரிபார்த்து அதை மாற்றும், அவ்வளவுதான்!

உங்கள் மொபைல் நம்பர் மாற்றப்பட்டதும் உங்கள் காண்டாக்ட்ஸ்களுக்கு அதைப் பற்றி தெரிவிக்கப்படும். தனிப்பட்ட தொடர்புகள் மட்டுமல்ல, நீங்கள் ஒரு பகுதியாக இருக்கும் க்ரூப்களுக்கும் உங்கள் புதிய வாட்ஸ்அப் எண்ணைப் பற்றி அறிவிக்கப்படும்.

இந்த அம்சத்துடன், உங்கள் சாட்கள், மீடியா கோப்புகள் மற்றும் வாட்ஸ்அப்பில் பகிரப்பட்ட எல்லா டேட்டாவும் அப்படியே இருக்கும். அதாவது அவைகள் நீக்கப்படாது. உங்கள் வாட்ஸ்அப் நம்பரை மாற்றும் இந்த செயல்முறை சில நிமிடங்கள் ஆகும் என்பதும் இங்கே குறிப்பிடத்தக்கது.

இதற்கு முன்னதாக வாட்ஸ்ஆப் நிறுவனம் அதன் Disappearing Messages எனும் ஒரு புதிய அம்சத்தினை இந்தியாவில் உள்ள அனைத்து பயனர்களுக்கும் கிடைக்கும்படி செய்தது.

வாட்ஸ்ஆப்பின் இந்த “மறைந்துபோகும் மெசேஜஸ்” அம்சம் ஒருமுறை இயக்கப்பட்டதும், குறிப்பிட்ட மெசேஜ் அனுப்பப்பட்ட நேரத்திலிருந்து ஏழு நாட்களுக்குப் பிறகு, அது மீடியா கோப்புகளாக இருந்தாலும் சரி, ஆடியோ கோப்புகளாக இருந்தாலும் சரி அல்லது சாதராண டெக்ஸ்ட் மெசேஜாக இருந்தாலும் சரி அது தானாகவே மறைந்துவிடும்.

இந்த புதிய வாட்ஸ்ஆப் அம்சமானது இப்போது ஆண்ட்ராய்டு பயனர்களுக்கு மட்டுமின்றி iOS பயனர்களுக்கும் அணுக கிடைக்கிறது. இந்த புதிய வாட்ஸ்ஆப் அம்சத்தைப் பயன்படுத்த நீங்கள் முதலில் வாட்ஸ்ஆப்பை அதன் சமீபத்திய பதிப்பிற்கு அப்டேட் செய்ய வேண்டும்.

வாட்ஸ்ஆப்பின் மறைந்துபோகும் மெசேஜஸ் அம்சமானது iOS இல் வெர்ஷன் 2.20.121 உடன் வருகிறது, இது புதிய storage management tool மற்றும் mute a chat always போன்ற அம்சங்களையும் கொண்டுவருகிறது, Mute a chat always என்பது எப்போதுமே குறிப்பிட்ட ஒரு சாட்டை ம்யூட் செய்ய உதவுகிறது.

வாட்ஸ்ஆப்பின் Disappearing Messages அம்சத்தினை பயன்படுத்துவது எப்படி? (Android OS)

வழிமுறை 01 (WhatsApp Tips  in tamil )

: அப்டேட் செய்யப்பட்ட வாட்ஸ்ஆப்பை ஓப்பன் செய்யவும்.

வழிமுறை 02: நீங்கள் இந்த டிஸ்அப்பியரிங் மெசேஜஸ் அம்சத்தை இயக்க விரும்பும் காண்டாக்ட்-ஐ தேர்வு செய்ய, குறிப்பிட்ட காண்டாக்-ஐ திறக்கவும், அதாவது அவரக்ளின் ப்ரோபைலுக்குள் செல்லவும், அதாவது சாட்டிற்குள் நுழைந்து குறிப்பிட்ட காண்டாக்டின் பெயரை கிளிக் செய்யவும்.

வழிமுறை 03 : அங்கே டிஸ்அப்பியரிங் மெசேஜஸ் எனும் புதிய அம்சத்தினை என்க்ரிப்ஷன் விருப்பத்திற்கு மேலே காண்பீர்கள். அதை கிளிக் செய்து பின்னர் குறிப்பிட்ட அம்சம் சார்ந்த தகவலை படித்துவிட்டு தொடரவும்.

வழிமுறை 04 : டிஸ்அப்பியரிங் மெசேஜஸ் என்கிற விருப்பதிற்குள், இது இயக்கப்பட்டதும், குறிப்பிட்ட மெசேஜ் அனுப்பப்பட்ட நேரத்திலிருந்து ஏழு நாட்களுக்குப் பிறகு அது தானாகவே மறைந்துவிடும் என்கிற குறிப்பு இடம்பெறும் அதன் கீழே ஆன் மற்றும் ஆப் என்கிற இரண்டு விருப்பங்கள் அணுக கிடைக்கும். இந்த புதிய அம்சம் டீபால்ட் ஆகவே ஆப்-இல் தான் இருக்கும் என்பது குறிப்பிடத்தக்கது. இந்த இடத்தில் நீங்கள் ஆன் என்கிற விருப்பத்தை தேர்வு செய்ய வேண்டும். அவ்வளவுதான்!

குறிப்பிட்ட விருப்பத்தை இயக்கிய பிறகு வாட்ஸ்ஆப் “நீங்கள் disappearing messages அம்சத்தினை இயக்கியுள்ளீர்கள். 7 நாட்களுக்குப் பிறகு சாட்டில் இருந்து புதிய மெசேஜ்கள் மறைந்துவிடும். இதை மாற்ற இங்கே கிளிக் செய்யவும்” என்கிற தகவல் குறிப்பிட்ட சாட்டில் அணுக கிடைக்கும்.

இந்த disappearing messages அம்சத்தினை நீங்கள் விரும்பும் போதெல்லாம் மாற்றுவதற்கான விருப்பமும் உங்களுக்கு இருக்கும். புதிய disappearing messages அம்சத்தை முடக்க மேற்குறிப்பிட்ட அதே செயல்முறையை மீண்டும் செய்யவும். ஆனால் கடைசியாக ஆன் என்பதற்கு பதில் ஆப் என்பதை கிளிக் செய்யவும். அவ்வளவுதான்.

ஏற்கனவே குறிப்பிட்டுள்ளபடி, இந்த அம்சம் இயக்கப்படும் போது புகைப்படங்கள், வீடியோக்கள் மற்றும் பிற செய்திகள் உள்ளிட்ட அனைத்து செய்திகளும் சாட்டிலிருந்து தானாகவே நீக்கப்படும் என்பதை கவனத்தில் கொள்ள வேண்டும்.

இருப்பினும், ஸ்மார்ட்போனில் சேமிக்கப்பட்ட மீடியா கோப்புகள் அப்படியே இருக்கும். forwarded அல்லது quoted மெசேஜ்கள் தானாக நீக்கப்படாது என்பதையும் பயனர்கள் கவனிக்க வேண்டும்.

LEAVE A REPLY

Please enter your comment!
Please enter your name here